Plantun de Prouvènço

Pèr coumpara dos planto d'encò nostre

Smilax aspera & Elymus caninus

Gripo-ome

Smilax aspera

Smilacaceae Liliaceae

Àutri noum : Gros-grame, Sarsapariho, Arrapo-ome, Tiragasso, Grame-gavouat.

Nom en français : Salsepareille.

Descripcioun :
Grando planto escalanto coume uno liano e que s'enviróuto emé si vediho. A d'espino pounchudo, si fueio soun en formo de cor, duro, lusènto e persistènto. Fai de pichòti flour blanco e de fru rouge.

Usanço :
Emé li flour se fai de liquour e peréu de tisano (R. Salle & J.-L. Domenge). Li racino soun vertuouso utilisado contro li mau d'os e de pèu, soun peréu bono pèr la circulacioun dóu sang. Li fru se manjon pas (soun un pau empouisounant -saponido-), e nimai li fueio aleva se sias un Schtroumpf. Pamens, parèis que li brout podon èstre manja coume d'espargo.

Port : Liano
Taio : Pancaro entresigna
Fueio : costo paralèlo
Tipe bioulougico : Pancaro entresigna
Cicle bioulougico : Pancaro entresigna

Gènre : Smilax
Famiho : Smilacaceae
Famiho classico : Liliaceae

Coulour de la flour : Blanco
Petalo : 6
Ø (o loungour) flour : Pancaro entresigna
Flourido : Printèms Autouno

Sòu : Ca
Autour basso e auto : Pancaro entresigna
Aparado : Noun

Liò : Garrigo - Baragno
Estànci : Pancaro entresigna
Couroulougi : Pancaro entresigna
Ref. sc. : Smilax aspera L., 1753

Grame(-de-chin)

Elymus caninus

Poaceae Graminaceae

Noms en français : Chiendent des chiens, Froment des chiens.

Descripcioun :
Planto en mato, emé de fueio pulèu larjo (4-10 mm), bèn verdo, que porton quàuqui long péu dessubre e pas dessouto (fotò). I'a d'auriheto à la baso de la fueio e uno lengueto merletado (fotò). L'espigo fai de 5 à 20 cm emé 5 à 14 espigau (de 2 à 7 flour) que la glumo èi de l'autre coustat de la cambo. Aquesto glumo porto uno aresto de 3 à 5 costo (fotò). Li lemma porton, éli, uno longo aresto peréu (1 à 2 cm).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 30 à 90(120) cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Elymus
Famiho : Poaceae
Famiho classico : Graminaceae
Tribu : Triticeae

Coulour de la flour : Verdo
Petalo : ges
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Prado umido - Ribiero - Colo - Basso mountagno
Estànci : Subremediterran à Subaupen
Couroulougi : Boureau
Ref. sc. : Elymus caninus (L.) L., 1755 (= Roegneria canina (L.) Nevski, 1934 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Smilax aspera & Elymus caninus

Coumpara Gripo-ome emé uno autro planto

Coumpara Grame(-de-chin) emé uno autro planto